الشروط والأحكام
آخر تحديث: ٢٧ يوليو ٢٠٢٦
إحنا مين
بطل ستوريز علامة تجارية مصرية بتصمم وتطبع قصص مخصصة للأطفال، وبتبيع أونلاين من خلال موقع batalstories.com. الشروط دي بتنظّم العلاقة بينك وبينّا وقت الطلب.
اللي بنبيعه
كتب أطفال مطبوعة ومخصصة. كل كتاب بيتعمل بعد الطلب مخصوص للطفل اللي في الأوردر، باسمه وصورته. يعني الكتاب مش منتج جاهز على الرف.
السعر
السعر اللي على الشاشة هو السعر النهائي للكتب. التوصيل بيتحسب على المحافظة وبيظهر في سطر لوحده قبل الدفع. مفيش أي رسوم بتتضاف بعد كده.
الدفع
الدفع بالتحويل: إنستاباي أو محفظة إلكترونية. تقدر تدفع كامل من الأول، أو تدفع عربون ٥٠٪ والباقي كاش عند الاستلام. الطلب بيدخل التنفيذ بعد ما نراجع صورة التحويل.
التوصيل
التوصيل خلال يومين في القاهرة، ومن ٣ لـ ٥ أيام لباقي محافظات مصر، محسوبة من وقت تأكيد الدفع. المدد دي تقديرية وممكن تتأثر بظروف شركة الشحن.
الصور اللي بتبعتها
لما تبعت صورة طفلك، إنت بتأكد إنك ولي أمره أو مصرّح لك تستخدم الصورة دي. إحنا بنستخدمها في طباعة كتابه بس، على حسب سياسة الخصوصية.
اللي مش بنقبله
مابنطبعش أي محتوى مسيء، ولا صور فيها حد غير الطفل من غير إذنه. لو الطلب فيه حاجة زي كده، بنلغيه ونرجّع فلوسك بالكامل.
جودة الصورة
بنراجع كل صورة قبل ما نبدأ. لو الصورة مش واضحة كفاية للطباعة، بنكلمك ونطلب صورة تانية قبل ما ندخل مرحلة الطباعة.
تعديل الطلب
تقدر تعدّل أي حاجة في طلبك مجانًا خلال ٢٤ ساعة من الدفع. تفاصيل الاسترجاع في صفحة سياسة الاسترجاع.
الملكية
رسومات القصص ونصوصها وتصميم الكتب ملك بطل ستوريز. الكتاب اللي بتشتريه لاستخدامك الشخصي، مش لإعادة الطبع أو البيع.
تغيير الشروط
ممكن نحدّث الصفحة دي. التاريخ اللي فوق بيقول آخر تحديث، والشروط اللي بتنطبق على طلبك هي اللي كانت منشورة يوم ما طلبت.
التواصل
khaled@batalstories.com · 01034502000